الدبيبة منارة الحضارة
زائرنا الكريم نرحب بك ونتمنا انضمامك الينا

ربنا يسهل علينا وعليكي

استعرض الموضوع السابق استعرض الموضوع التالي اذهب الى الأسفل

ربنا يسهل علينا وعليكي

مُساهمة من طرف وسام الطيب في السبت ديسمبر 31, 2011 9:02 am

يقال والعهدة على الراوي , الذي ليس مهماً أن تصدقه , أن نجاراً عجوزاً كان يعمل في صناعة المراكب على شاطئ أبوروف في بأم درمان , وبينما هو منهمك في عمله سقط منه ( المنشار ) في النهر , فجلس يبكي على ضياعه , وكانت هناك ( جنية شقراء ) تراقبه ( غالباً كانت قاعدة قريب من سوق الطلح العجيب داك ) فحضرت إليه الجنية وسألته :
-( الببكيك شنو يا عمو) ؟
قال النجار في هلع :
-( لقد سقط منشاري في النهر , وبعدين إنتي منو يا بتي ) ؟
لم ترد عليه الجنية الجميلة الشقراء , بل غطست في النهر , وخرجت بمنشار من ذهب وسألته :
-( ده منشارك يا عمو ) ؟
قال النجار : ( لا ما منشاري )
فغطست الجنية مرة ثانية وخرجت بمنشار من فضة وسألته :
-( يا هو ده يا عمو ) ؟
قال النجار دون تردد :
-( برضو لا , ما حقي )
ثم غطست الجنية مرة ثالثة , وخرجت بمنشار من البرونزوسألته :
-( أكيد ده منشارك ) ؟
رد عليها النجار : ( لا )
لم تيأس الجنية بشعرها الأشقر المبتل , وحبيبات الماء تنزلق على تضاريسها الجاحظة , فغطست مرة أخرى وخرجت بمنشاره الحديدي ( الشين ) وسألته :
-( يا هو ده يا عمو مش ) ؟
-قال : نعم وقد إرتسمت السعادة عليه لحصوله على منشاره , فقامت
الجنية الشقراء بإهدائه المنشار الذهبي والفضي والبرونزي , لأمانته وصدقه .
مرت الأيام والليالي , وجاء يوم ( كثير الغيوم كثير المطر ) , واذا بذات الرجل وهو ( كان قاعد يتفسح ) مع زوجته على شاطئ النيل , فإنزلقت قدمها , وسقطت في النهر , فجلس النجار يبكي , فحضرت ذات الجنية الشقراء وسألته :
-( الببكيك شنو يا عمو , برضو منشارك تاني وقع ) ؟
-قال : ( أبداً , أم أولادي وقعت في الموية )
فغطست الجنية وخرجت تحمل من جوف الماء ( هيفاء وهبي شخصياً ) وسألته :
-( دي ياها مرتك يا عمو النجار ) ؟
قال النجار دون أن يهتز له جفن أو( قسيمة ) أو حتى ( عشرة الأيام ) :
-( آي والله يا بتي , يا ها ذاتا مرتي الوقعت مني )
قطبت الجنية الشقراء جبينها وقالت :
-( كضاب يا عمو , ليه داير تغشني ) ؟
رد الرجل في مسكنة ودهاء :
-( كضب شنو يا بتي , أنا خفت أقول ليكي ما يا ها , تقومي تغطسي
تاني تجيبي لي ( أليسا ) ولو قلت ليكي برضو ما ياها , تغطسي تجيبي لي ( نانسي عجرم ) ولو قلت ليكي ما ياها , تغطسي تاني تجيبي لي مرتي ( الجد جد ) ولو قلت ليكي ياها تب , تقومي تهدي لي هيفاء وأليسا ونانسي , وأنا راجل عجوز ما بقدر على الدواهي دي كلها , قلت نشيل هيفاء ونمشي , وربنا يسهل علينا وعليكي , وعلى التماسيح الحتاكل مرتي .

وسام الطيب
عضو ملكي
عضو ملكي

عدد المساهمات : 164
نقاط : 321
تاريخ التسجيل : 16/12/2010
العمر : 32
الموقع : الإمارات العربية المتحدة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربنا يسهل علينا وعليكي

مُساهمة من طرف احمد على محمد في الأربعاء فبراير 22, 2012 6:17 pm

تم انضمام وسام الطيب الى حسام كمال الظاهر الغربة دي فيها بلاوي الله يرجعنا سالمين

احمد على محمد
عضو ملكي
عضو ملكي

عدد المساهمات : 39
نقاط : 59
تاريخ التسجيل : 19/12/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى