الدبيبة منارة الحضارة
زائرنا الكريم نرحب بك ونتمنا انضمامك الينا

ذكريات مغترب

استعرض الموضوع السابق استعرض الموضوع التالي اذهب الى الأسفل

ذكريات مغترب

مُساهمة من طرف وسام الطيب في الأربعاء يناير 19, 2011 6:01 pm

يخوانا مشتاقة لي كشكشة بتاع ورنيش
مشتاقة لي خضار خضار خضار زول ينادي من بعيد بالمايكرفون خضار طماطم عجور جرجير
طماطم جزيرة بألف ...
ويجي بتاع السمك ويقول سمك سمك سمك سمك الجبل سمك سمك سمك
ويجي بتاع الإسكريم نصت نهار الحار داك ويضرب بوريهو ا ..
والله اللذيذة صحي صحي سيد العدة لمن يدق الباب ويقول مافي هدوم للبدل وبراحة أتلبت وأجيبك يالهدوم ومحمد عينوا ماتشوف ههههههههه
وأمشي سوق الجمعة وأخش من البوابة وتسمع بي ألف بي ألف بي ألف كل شئ بي ألف ...
وتبقى داخل لاجوة وتسمع بي سبعة ونص بي سبعة ونص وتشتري كم حاجة كدي ترجع
البيت تاني يوم نقوم عشان الصباح بدري نكون عايزين نمشي الجامعة نجيك
يالمحطة وينادوا عربي عربي عربي وواحد تاني الشعبي الشعبي الشعبي ونركب
العربي بس العربي مانصرنا والشعبي هو الفاضل لينا ماعلينا نصل العربي
يكبسوك بتاعين المناديل بي 200 بي 200 منديل هاك المنديل ده ياحلوة وإنتي
ياعسل هاك اللبانة ده بي 300 بس بسكويت مادايرة واللذيذة تتفكة من بتاع
المناديل يجيك بتاع الفايلات والبطاقات أها فايل بي ألف الفايل بي ألف غلف
البطاقة بي ألف وتمشي شوية لاقدام شان يلاقيك واحد واقف في محلوا ويقول
ألاقة ألاقة ألاقة وماتفهمى إلا تدقق في الشئ الشايلوا هو شنو بلا تلقاها
علاقة مفاتيح وتمشي موقف الثوارات ويتكابسوك بتاعين النمرة أها ماشي وين
تعال يازول أركب هنا من غير مايعرفوك ماشي وين في الثورة المهم ماشي والعجب
العجيب تجيك حلبية بالشباك الله يديك عريس يابتي الله يعدل خطوتك الله
يعدل طريقك وينجيك من ولاد الحرام يابتي مية تنجي بيها الذرية الله يدينا
ويديك وبعداك يجي الراجل العميان الضعويف ويطقش من طرف في البنات وهو يعني
ماشايف وبعد تركب غلط الحجي تقوم وتنزل إنته وتطلع إنته المغفل هههه
تقوم ترجع الموقف وتاني نفس المناظر القبيل تكون أخلاقك في مناخيرك من
ركوبك غلط تمشي موقف الثورة وتركب تاني الشنقيطي وسيد الحافلة الغياظ يشغل
أطول أغنية لي وداللمين وتنتهي الغنية لمن تصلوا صينية الأزهري وبعداك يقلب
الإذاعة عشان الناس نامت ونصلك يالجامعة ونقراها بي كل فخر وإعتزاز :
إدخلوها بي سلام آمينين ونقول بسم الله ونخش ونسلم من الباب لاعند القامة
الناس تتسلام بي محنة وطيب خاطر والشيت الفلاني طلع الليلي والدكتور غايب
بعد المجازفات ده وتكون هي محاضرتين ونمشي للفطور نجيب فطورنا يالبنيات
ونمشي ناكل بي راحتنا في الإستراحة عشان نتونس أها نشيل ديك يالفطيرة
ومعاها البيبسي ونمشي وآخر قطيعة في الإستراحة ومرات نقضيها في الشرح
وبعداك نرجع للمحاضرة التانية ومن خشتنا ليك ياقاعة هندسة نلقى الناس
متلمين مالكم مالكم الدكتور بتاع المحاضرة التانية إعتذر ونزعل علي المشوار
الضاع ساكت داك ونومة الصباح الماتميناها أها يلا نتونس يابنات وعشرة ونسة
هي ماشفتي فلانة كرعيها زي الغنماية ولابسة حبيبي شطفني والولاد مسمنها
غنوم أها وفلان وفلانة حابين بعض بس شكلوا هو أوجه منها الشينة هو ماعاين
ليها ولا شنو تقوم ديك القاعدة في الركن تنط تقول والله ماشفتوا هي مسوا
ليهو شنو بري منها بتاعة فقراء كر كر... وبعداك رحلة العودة بنفس الطريقة
ياحليلك يازمان
رأيكم شنو في الكلام ده
...


وسام الطيب
عضو ملكي
عضو ملكي

عدد المساهمات : 164
نقاط : 321
تاريخ التسجيل : 16/12/2010
العمر : 32
الموقع : الإمارات العربية المتحدة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ذكريات مغترب

مُساهمة من طرف اباذر كاليق في الأحد أبريل 24, 2011 12:57 am

أحــــــــــــــــلي أيـام والله ربنا يرجعنا للنعم بها من جــــــــــــديد[b]

اباذر كاليق

عدد المساهمات : 9
نقاط : 17
تاريخ التسجيل : 25/02/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ذكريات مغترب

مُساهمة من طرف احمد على محمد في الأربعاء فبراير 22, 2012 6:10 pm

ما مضى لن يعود الا فى خيال شاعر او استدعاء ذاكرة الماضى التى احتفظت باشياء تعداها الزمان وطمسها المكان ورحلة الانسان لاستكشاف عوالم جديدة تفقده الكثير من الاشياء الجميلة وهذا هو المستحيل بعينه ان نبقى الاشياء كما هي فما كان فى الماضى ملء الخاطر والعين اصبح ذكرى وسلوى ايام موحشات

وبين الذكرى والنسيان مسافة قريبة يا انسان

احمد على محمد
عضو ملكي
عضو ملكي

عدد المساهمات : 39
نقاط : 59
تاريخ التسجيل : 19/12/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى