الدبيبة منارة الحضارة
زائرنا الكريم نرحب بك ونتمنا انضمامك الينا

مســـــــاطيــــــــــــل

استعرض الموضوع السابق استعرض الموضوع التالي اذهب الى الأسفل

مســـــــاطيــــــــــــل

مُساهمة من طرف الشيخابي في الإثنين يونيو 27, 2011 5:01 pm



مسطول قال لمرتو تعالى نرجع ايام زمان انا بمشى استناك جنب عمود الدكان مشى وجا بعد ساعتين لقاها بتبكى قاليها : مالك يامره ؟ قالت ليهو ابوى حمانى اطلع..
******************************
مسطول زعلان من خطيبتوا ,, رسل ليها مسج كتب فيهو ( أنا عملتا حادث ،،،ولا اقول ليك انا مت عديييييل,, ارتحتي كدا)
******************************
مسطول عاوز ينوم وعندو قروش خايف تنسرق قعد يفكر ادس القروش وين لما نعس قام ختا القروش في جيبو ونام جاء حرامي شال القروش وحلق ليهو صلعه لما صحا المسطول من النوم همو في القروش دخل يدو في جيبو لقا القروش ماف قام ختا يدو في راسو وقال لا حول الله لما لقا شعرو ماف قال الحمد لله دا ما انا
******************************
مسطول فى امتحان لغه عربيه جاه سؤال ادخل(ان) فى جمله مفيده قال: ذهبت الى السوق واشتريت ان سبعين
مسطول قبضوة ناس 999قالو ليهو اركب قال لا والله البيت تكله..
******************************
مسطول دخل الاستاد و الجماهير متحمسة يقولوا : اسي ح يجي القون الاول (جاء القون الاول) شوية قالوا ان شاء الله يجي القون التاني (جاء القون التاني) . المسطول وقف و قال ليهم : يا أخوانا الحضر الكورة دي قبل كدا يقفل خشمو نحن ماحضرناها
******************************
اربعة مساطيل دخلوا امتحان جاهم سؤال فى الامتحان : كم عدد ارجل الغنماية وكلهم سألوا صاحبهم حسين وما كان بيرد عليهم ولما خلص الامتحان ولاقوه برة!!. قالوا ليهو : ليه ما بترد ..!؟ قاليهم : المراقب كان جنبى وما قادر اطلع الغنماية
*********************************
مسطول متقدم
لي وظيفة وما عندو اي واسطة في المعاينات سألوه : ما معني كشاكا ككورنكو
راكا بالتايواني .. قاليهم : معناها اني ما حا أشتغل معاكم
******************************
مسطول صحى الصباح بدرررررررررررري فتح التلفزيون؟ لقى المذيعه بتتسوك!!!
طلعو مجموعة من (المساطيل) صيادين يصطادو ...وكل ما يصطادو حاجه كلابهم تجري تجيب الفريسه ....ما عدا كلب واحد بيخاف من صوت الرصاص
فقالو لصاحبو :وديهو الاعراس اللي بيحصل فيها ضرب نار كتير .......عشان يتعود على الرصاص ..وبعد ما ودوهو لمدة 6 شهور رجع يصطاد تاني
أول ما ضرب نار ............الكلب قال ايوووي يوووووي يوووووووي
******************************
مسطول قال لصحبو: ديني 10 جنيه .. اديني منها 5 و خلي معاك 5 .. كده انت تكون داير مني 5 وانا داير منك 5 .. وكده نكون حبايب
******************************
مسطول بيحلق لي واحد وهو بحلق لية خت المقص في اضانو الشمال قاليو دي دايرة صاحبو قليو اي قطعة ادة لي في ايدو قام مشي علي الاضان اليمين ختي فيها المقص قاليو دي دايرة صاحبو قاليو لا لا قمام قطعة وجدعة في السبت
******************************
مسطول صحبه بضرب ليو .. وهو ما داير يرد عليو .. بقى يضرب ليو كتير .. قام المسطول زهج .. كتب ليو رساله: انا نسيت تلفوني في البيت
******************************
عصفور مسطول طقش ليه عربية واغمي عليه سيد العربية شالو ختاه في قفص العصفور صحي لقي نفسو محبوس قال معقول الراجل يكون مات
******************************
اتنين مساطيل واحد قال للتانى: رايك شنو نبقى فنانين تشكيليين؟
التانى قالى : كيف؟
الاول قالى: انت تشكيلى وانا اشكى ليك
******************************
مسطول سألوه الفرق بين الكارو و الركشة شنو ؟ قال : في الكارو الحمار بي بره
مساطيل ماشين مشوار وماعندهم قروش قالو نوقف امجاد وبعد نصل نجري منو لما وصلو قامو تلبو بالشبابيك ودخلو عماره مضلمه واحد من المساطيل سأل الجنبو قال ليهو ياربي سيد الامجاد دا حصل ليهو شنو قال ليهو انا ذاااااااااتي سواق الامجاد هو الحاصل شنو ..
******************************
مسطول قالو ليهو انتقد الحكومه زي ماانتا عاوز فقام وقال
وين حريه الرأي
وين المساواه
وين قروش الشعب
وين الشغل
...وين موديني
وين أنا
وين النور
ااااااااااااااااااي دي مريحاني شديد هههههههههههههههه
******************************
مسطول جاري مخلوع ساله مالك ي زول قال ليهم انا ماشي ف الكلب عفصت لي شارع ف جلابيته مسكني من ضنبي
أثنين مساطيل الأول بيقول للتانى انت أصلع لي التاني قال ليه من الزمن قال ليه خلاص تاني ما تحلق عنده
******************************
مسطول مشي للدكتور بشتكي من ضرسو، الدكتور قاليهو: احشي ليك؟ قاليهو لا.. لا.. اديني في صحن!!
******************************
مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : لاحولاااااا ياخ دا كلب طويل خلاص
******************************

واحد مسطول عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب شيطان
******************************
مسطول سألوه ماهي قمة الأدب قال _ ان تطرق باب التلاجه قبل ما تفتحو
******************************

مسطول دخل سلاح المظلات اول يوم التعلمجي قال ليه تركب الطياره تنط بالبرشوت تدوس الزر الاخضر يطلع البرشوت تقرب من الارض تدوس الزر الاصفر يطلع البرشوت التانى تنزل الارض تلقى عجله تركبا وتجي المعسكر المسطول نطا داس الزر الاخضر البرشوت ماطلع داس الاصفر ماطلع قال كدى اصل الارض وماالقا العجله
******************************
مسطول بحكي قصه لبتو عشان تنوم: مره تيس شاف ود ابرك فقال الأسد جيبوا لي الأرنب .. قامت البقرة وقعت في البير .. ولقت الام ولدها .. رجع البوليس من القسم وطلق مرتوا .. قام صفر ونحن جرينا .. وعملنا حادث .. وغرقنا في البحر .. وقال لازم نتعاون .. لقينا سمك والبصل خلص مننا .. ووقع مني الدفتر .. اها .. عرفتي يا بتي الكلب ليه بقول... هو هو
******************************
مسطول داير يولع السيجارة والقشة ما ولعت ليه قال لى صاحبو:القشة ما دايرة تولع ما عارفا مالا مع انها قبل شوية ولعت
******************************
مسطول اسمو سامر على وكان ماشى عليه اسم توتى اكتر من اسمو ...دخل العسكرية, سأله الضابط: اسمك منو؟
قال ليه: اسمي توتي,
قام الضابط ضربه كف وقال ليه:
أمشى وبكره تجيني باسم راجل,مشى ورجع تاني يوم
وسأله الضابط اسمك منو؟؟,قال:توتي الشرير ههههههههههههههههههه شديده
******************************
واحد مصطووول ركب مع بتاع تكس ما استحم ليهو اسبوع.وقال ليهو عربتك دي كم حصان؟رد السواق:24حصان ,ليه,رد المصطول:لأنو في واحد منهم شكلو مات خخخخخخخخخخخخخ
******************************
مسطول بحضر في فلم اكشن مع اصحابو نهايت الفلم جات كلمت
the end
المسطول قال يا اخوانا
the end
ده عفن عدييييييييييييييييييييييييل
avatar
الشيخابي
زول بلد

عدد المساهمات : 62
نقاط : 76
تاريخ التسجيل : 19/12/2010
الموقع : لم يتم تشييده

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مســـــــاطيــــــــــــل

مُساهمة من طرف khalid naeem في السبت يناير 10, 2015 9:18 pm

ههههههههههه
avatar
khalid naeem
زول بلد

عدد المساهمات : 85
نقاط : 133
تاريخ التسجيل : 17/12/2010
الموقع : الدبيبة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى